Qytaıda zaýyttar men fabrıkalardyń jumysy toqtady
ASTANA. QazAqparat - Qytaıda atmosferadaǵy qaýipti zattardyń kúrt artýyna baılanysty eldiń meteorologııalyq basqarmasy qaýiptiliktiń ІІ deńgeıin jarııalady. Soǵan baılanysty eldiń birqatar aýdanynda zaýyttar men fabrıkalardyń jumysyn toqtatý týraly sheshim qabyldandy.
Ekologııalyq jaǵdaılar saldarynan bılik tynys alý jáne júrek-qan tamyrlary aýrýlarymen syrqattanatyn adamdarǵa kóshege shyqpaýǵa keńes berip otyr. Mamandardyń boljaýynsha, aspandy torlaǵan qaýipti tuman tek erteń seıilýi múmkin. Al ekologııalyq jaǵdaı tek aldaǵy aptanyń ortasyna qaraı jaqsarmaq, dep jazady 24.kz.
