Qytaıda zańsyz dári saýdasyna baılanysty 135 adam qamaýǵa alyndy
Qytaıda dári-dármekti zańsyz satqandardy áshkereleýge baılanysty birqatar azamat qamaýǵa alyndy, dep habarlaıdy Bı-Bı-Sı agenttigi.
Sot sheshimimen eldiń 22 provıntsııasynda 135 adam qamaýǵa alyndy. Qamaýǵa alynǵandardyń ishinde on azamat - densaýlyq saqtaý salasynyń qyzmetkerleri, tergeý boıynsha olarǵa selqostyq tanytty degen aıyptar taǵyldy. Olar jasyryn satýshylardan memlekettik mekemeler úshin lıtsenzııasy joq dári-dármekterdi satyp alǵan. Kúdiktilerdiń kóbi dárilerdi zańsyz qaıta satýmen aınalysqan, dep habarlaıdy jergilikti prokýratýra.
Bul daý Qytaıda birneshe aı buryn shyqty. Tergeýshilerdiń aıtýynsha, olar vaktsınalardy qymbat baǵamen qaıta satýmen aınalysqan iri qylmystyq toptyń zańsyz jelisin anyqtaǵan.
Naýryzda atalǵan is boıynsha 37 adam qamaldy. Bıznestiń negizgi uıymdastyrýshylary - aqpan aıynda Shandýn provıntsııasynda qamaýǵa alynǵan sheshesi men qyzy boldy.
Ol ekeýi 2011 jyldan beri lıtsenzııasy bar, nemese joq dári óndirýshilerden dárilerdi satyp alyp, olardy qara naryqta nemese aýrýhanalarǵa satqan. Bul rette dári-dármekterdi saqtaý talaptary jıi buzylǵan.
