Qytaıda XVI Azıada oıyndary alaýynyń estafetasy bastaldy
BEIJІŃ. Qazannyń 12-si. QazAqparat /Rýslan Súleımenov/ - Búgin, seısenbi kúni Beıjińdegi Aspan Hramynda XVI Azııalyq oıyndar alaýy estafetasynyń resmı bastalý rásimi ótti.
Qytaı Halyq Respýblıkasynyń Tóraǵasy Hý Tszıntao XVI Azıada oıyndary alaýynyń estafetasyn resmı bastap berdi.
Buǵan deıin habarlaǵandaı, estafeta Beıjiń qalasynyń, Heılýntszıan, Tszılın jáne Shandýn provıntsııasy qalalarynyń, sondaı-aq Gýandýn provıntsııasynyń okrýgtik deńgeıdegi 20 qalasynyń aýmaqtary arqyly ótedi. Estafetaǵa 6 men 100 jastyń aralyǵyndaǵy 200 myńnan astam alaýgerler qatysady.
Alaý estafetasy XVI Azııa oıyndary ótkiziletin jerge qarashanyń 12-sinde jetkiziledi. Oıyndar ústimizdegi jylǵy qarashanyń 12-si men 27-sinde Gýandýn provıntsııasynyń ákimshilik ortalyǵy - Gýanchjoý qalasynda ótedi. Oǵan 45-ten astam Azııa elderiniń 12 000 sportshysy qatysady dep kútilýde. Olardyń arasynda Qazaqstannyń da sport sańlaqtary bar.
