Qytaıda vokzal mańynda taǵy da pyshaqpen qarýlanǵandar shabýyl jasady
BEIJІŃ. QazAqparat - Qytaıdyń ońtústigindegi Gýanchjoý qalasynyń temir jol vokzalynda sýyq qarýmen qarýlanǵan belgisiz adamdardyń shabýylynan alty adam jaralandy.
Oqıǵa búgin jergilikti ýaqyt boıynsha saǵat 11:30-da Gýanchjoý qalasy temir jol vokzalynyń aldyndaǵy alańda oryn aldy. Kezekti pyshaqpen shabýyldaýdan alty adam túrli dene jaraqatyn aldy.
Zardap shekkender jergilikti aýrýhanaǵa jetkizildi, olarǵa medıtsınalyq kómek kórsetildi. Shabýyl jasaǵandardyń bireýin polıtsııa quryqtap úlgerdi, ekinshi qaskúnem oqıǵa ornynan boı tasalap ketti.
Eske sala keteıik, sońǵy eki aıda bul Qytaıdyń temir jol vokzalynda beıbit turǵyndarǵa jasalǵan úshinshi shabýyl. Birinshi naýryzda ıÝnan provıntsııasyndaǵy Kýnmın qalasynda óreskel shabýyl barysynda 29 adam qaza taýyp, 143 adam jaralanǵan. 30 sáýirde Úrimjide pyshaqpen shabýyldaý jáne jarylys saldarynan 3 adam qaza taýyp, 79 adam jaraqattanǵan bolatyn.
