Qytaıda VI «Jibek joly» Halyqaralyq mádenı kórmesi ashyldy

BEIJІŃ-DÝNЬHÝAN. QazAqparat – Soltústik Batys Qytaıdaǵy Gansý provıntsııasy Dýnhýan qalasynda VI «Jibek joly» Halyqaralyq mádenı EKSPO ashyldy, dep habarlaıdy QazAqparat tilshisi.

QHR Mádenıet jáne týrızm mınıstriniń orynbasary Lı Tsıýn quttyqtaý sóz sóılep, «Jibek joly» mádenı EKSPO-nyń maqsaty – Jibek joly rýhyn oıatý, mádenı-gýmanıtarlyq kópir jasap, mádenı mura salasynda seriktestik úshin platforma qurý ekenin atap ótti.

«Kóne Jibek joly» - saýda joly ǵana emes, órkenıetter almasatyn jol, adamdar arasyndaǵy qarym-qatynas», - dep atap ótti ol.

Lı Tsıýn Uly Jibek jolynyń mańyzdy magıstraldarynyń biri - «Chanan – Tıan-Shan dálizi» ekenin atap ótti. Ol 5 myń shaqyrymǵa sozylyp, Shyǵys pen Batysty baılanystyrǵan saýda jelisi boldy. Marshrýt Chanannan bastalyp, Jetisý arqyly ótken.

Alǵashqy «Jibek joly» Halyqaralyq mádenı EKSPO 2016 jyly Dýnhýanda ótti.

Dýnhýan 1987 jyly ıÝNESKO Álemdik mura tizimine engen Mogao grotalarymen tanymal.

Myńdaǵan Býddanyń úńgiri retinde tanymal Magao grotalary jalpy aýmaǵy 45 myń sharshy metr bolatyn, 3 myńnan astam músin bar 492 úńgirden quralǵan. Uzyndyǵy – 1600 metr.

Qazirgi ýaqytta tarıhı jáne mádenı jerleri, geosaıabaǵy bar Dýnhýan qytaılyq jáne sheteldik týrıster jıi baratyn orynǵa aınaldy.

Rýslan Súleımenov