Qytaıda ushaqqa minetin kezde koronavırýs belgilerin jasyrǵan jolaýshy 1 jylǵa sottaldy

BEIJІŃ. QazAqparat – Qytaıǵa ushar aldynda koronavırýstyń belgilerin jasyrǵan halyqaralyq áýe reısiniń jolaýshysy bir jylǵa bas bostandyǵynan aıyryldy, dep habarlaıdy QazAqparat tilshisi Beıjiń qalasynyń aýdandyq sot úkimine silteme jasap.

Sot úkiminde 37 jastaǵy jolaýshynyń áreketi QHR sanıtarlyq-epıdemıologııalyq erejelerin buzyp, vırýstyń taralý qaýpin týdyrǵan, osylaısha juqpaly aýrýlardyń aldyn alý men emdeýge kedergi keltiretin qylmys jasady dep jazylǵan.

2020 jyldyń naýryz aıynda 37 jastaǵy jolaýshy áıel AQSh-tan Qytaıǵa halyqaralyq reıske shyqpas buryn vırýs belgilerin, atap aıtqanda dene qyzýynyń joǵary bolǵanyn jasyrý úshin qyzý túsiretin dári ishken.

Beıjiń halyqaralyq áýejaıyna kelgennen keıin onyń koronavırýs juqtyrǵany anyqtaldy jáne onymen tyǵyz baılanysta bolǵan 60-tan astam adam karantınge jiberildi.

Sońǵy resmı málimetke sáıkes, QHR-da koronavırýsqa shaldyqqandardyń 92,72% emdelgen.

2019 jyldyń jeltoqsan aıynan bastap aýrý juqtyrǵandar sany 89,2 myńnan asty, medıtsınalyq mekemelerde koronavırýs ınfektsııasy bar 1862 adam jatyr.

Sońǵy 24 saǵat ishinde elde bir de bir ólim jaǵdaıy tirkelmegen.

Ólim kórsetkishi - 5,19% (4636 adam qaıtys bolǵan).