Qytaıda úsh adam asa qýatty jer silkinisiniń saldarynan qaza boldy
ASTANA. 22 shilde. QazAqparat - Qytaıdyń ortalyq bóliginde dúısenbi kúni bolǵan kúshti jer silkinisinen úsh adam qurban boldy,
dep habarlaıdy Sınhýa agenttigi jergilikti bılik ókilderine silteme jasap.
Kúshi 6,6 baldyq dúmpý (amerıkalyq geologııalyq qyzmettiń málimetteri boıynsha - 5,9) dúısenbi kúni jergilikti ýaqyt boıynsha 07:45-te tirkelgen, jer silkinisiniń kindigi Gansý provıntsııasynda bolǵan. Zilzala oshaǵy - 20 shaqyrym tereńdikte, osyǵan deıin AQSh-tyń geologııalyq qyzmeti onyń tereńdigi nebary 10 shaqyrymǵa jetti dep habarlaǵan bolatyn.
Gansý provıntsııasynyń Mınsıan ýeziniń bılik ókilderi jer silkinisiniń saldarynan úsh jergilikti turǵynnyń qaza bolǵanyn naqtylady. Olar sonymen qatar, osy ýezdiń kóptegen eldi mekenderi zardap shekkenin habarlady.
