Qytaıda umyt qalǵan býnkerdi saqshy 40 jyl boıy, qartaıǵansha kúzetip kelgen
ASTANA. QazAqparat - Qytaılyq Gýıchjoý provıntsııasynyń turǵyny jalǵyz ózi jarty ómirin qupııa nysandy kúzetýmen ótkizgen, tipti ol nysandy joǵary qolbasshylyq baıaǵyda umyt qaldyrǵanynan beıhabar bolǵan.
Bul týraly Gbtimes.com. portalyna silteme jasap «Rossııskaıa gazeta» jazdy.
He Vensýn atty er adam 41 jyl boıy óziniń otbasyna bildirmeı, «qos ómirdi» qatar alyp júrgen. Kúndiz úlken otbasynyń otaǵasy bolsa, túnde úkimettik bomba panany kúzetken.
Býnker qurylysy 1975 jyly bastalǵan. Oǵan jaýapty bolyp Vensýn taǵaıyndalady. Onyń qaramaǵyna 100 maman beriledi. Jumys qupııa bolǵandyqtan, er adam ol jaıly týystaryna da aıtpaǵan. Kúzet táýlik boıy bolý úshin ol óz úıin sonyń janyna salǵan.
1976 jyly qyrkúıekte QHR tóraǵasy Mao Tszedýn qaıtys boldy. He Vensýn qaramaǵynda jumys isteıtinder basqa jumysqa aýysyp, jaýapty qytaılyq jaıynda barlyǵy umytyp ketken.
Jyldar óz degenin alatynyn túsingen 87 jastaǵy Vensýn áskerı komıssarıatqa baryp, onyń kúzetshilik ornyna jas sarbaz almastyrý máselesimen júgingen. Sonda ǵana basshylyqtyń Vensýn jaıynda ǵana emes, nysan jaıly da beıhabar ekeni belgili bolady. Bomba pana qujatta kórsetilmegen bolyp shyqty.
