Qytaıda ulyn 16 myń dollarǵa satqan jup sottaldy
ASTANA. QazAqparat - Qytaıdyń Henan provıntsııasy Tsınfen ýeziniń soty osy jyldyń naýryz aıynda týǵan ulyn 100 myń ıýanǵa (16 myń dollar) satqan jupty bostandyǵynan aıyrdy.
Bul týraly RIA «Novostı» habarlady.
Resmı túrde nekesin qımaı 2010 jyldan beri birge ómir súrgen jas juptyń aǵymdaǵy jyldyń qańtarynda úshinshi balasy dúnıege kelgen, dep habarlady Sınhýa agenttigi. Ata-ananyń ekeýi de 24 jasta. Balanyń týýy qarjy jaǵdaıyn qıyndata túsetindiginen qoryqqan ákesi ulyn satyp jiberýdi usynady. Naýryz aıynda dárigerdiń kómegimen olar jergilikti turǵynǵa nárestesin 16 myń dollarǵa satyp jibergen. Bul oqıǵa týraly balanyń atasy polıtsııaǵa habarlaǵan.
Náresteniń ákesi 5 jylǵa, anasy 3 jylǵa bostandyǵynan aıyryldy. Anasyna qatysty úkim bes jyldan keıin júzege asady.
