Qytaıda týý kórsetkishinen rekord ornatyldy
ASTANA. QazAqparat - Qytaıda ótken jyly 17,86 mln adam dúnıege keldi, dep málimdedi QHR Densaýlyq saqtaý jáne josparly bala týý isi boıynsha memlekettik komıtettiń ókili ıAn Venchjýan.
Bul 2000 jyldan bergi eń joǵary týý kórsetkishi bolyp sanalady. Salystyrmaly túrde, 2011-2015 jyldary ortasha týý deńgeıi 1,4 mln adam boldy. Qytaı bıligi atap ótkendeı, «bir otbasy - bir bala» saıasatynyń toqtatylýy «óte ýaqtyly jáne óte tıimdi» bolǵan, dep atap ótedi "Bı-Bı-Sı".
«Bir otbasy - bir bala» saıasaty 1979 jyly turǵyndar sanynyń ósýin shekteý maqsatynda iske qosylǵan edi. Eki balasy bar otbasylarǵa aıyppuldar salynyp, basqa da jazalaý sharalary qoldanyldy. Nátıjesinde jumys jasaıtyn azamattar azaıa bastady. Qytaı bıligi jumys jasaıtyndar sanynyń kemýi, qarttar sanynyń kúrt kóbeıýi olardy asyraý qıyndyǵyn týdyratyndyǵynan qaýiptendi.
Nátıjesinde, 2015 jyldyń qazan aıynyń sońynda demografıkalyq saıasatqa túzetý engizip, otbasylarǵa eki baladan týýǵa ruqsat berdi.
