Qytaıda týrıstik baǵyttarǵa suranys artýda
BEIJІŃ. Qazannyń 5-i. QazAqparat / Rýslan Súleımenov/ - QHR-dyń qurylýy kúnine baılanysty barlyq uıymdar qyzmetkerlerin demalysqa jiberetin qazannyń biri men jetisi aralyǵyndaǵy kezeńde Qytaıda «Altyn aptalyq» júrip jatyr. Qytaıdyń týrıstik kompanııalarynda barlyq baǵyt boıynsha bıletterge tapsyrys berilip qoıǵan, al qalǵan joldamalardyń baǵasy qymbattaý ústinde.
Ulttyq týrıstik bıýronyń aqparattaryna súıensek, týrıstik suranystardyń artýy ishki baǵyttar sııaqty, halyqaralyq baǵyttarǵa da yqpalyn tıgizdi. Ulttyq týrıstik bıýronyń bastyǵy Shao Tsıveı atap ótkendeı, mereke kúnderi Qytaıda 210 mln. adam saıahat jasaıtyn bolady, bul byltyrǵy jylmen salystyrǵanda 18 paıyzǵa artyq. Al shetelderge 1,8 mıllıon týrıst attanbaq, 2009 jylmen salystyrǵanda bul kórsetkish 12 paıyzǵa artyp otyr.
Týrısterdiń kóp baratyn oryndarynyń biri Dúnıejúzilik Shanhaı kórmesi bolmaq. Sebebi EKSPO kórmesiniń jabylýy qazan aıynyń sońyna belgilengen, al kórmeni kórýge nıet tanytqandardyń biraz bóligi kórmeni áli tamashalaı almaǵan.
Úsh merekelik kún ishinde Shanhaıǵa 4 mln. astam týrıst at basyn buryp úlgeripti. Sonyń ishinde EKSPO-2010 kórmesine barǵandardyń qatary 1 mln. astam adamdy quraǵan. Jeti merekelik kún ishinde Shanhaıǵa baratyn týrısterdiń sany 8 mln. adamnan asady degen boljam bar.
Qazaqstandyq pavılonnyń dırektory Raıhan Dilmaǵambetovanyń sózine qaraǵanda, EKSPO-nyń ashylǵan ýaqytynan beri bizdiń pavılonnyń tanymaldylyǵy kún sanap artyp keledi.
