Qytaıda tolassyz jaýǵan jańbyrdan 4 adam qaza taýyp, 48 adam iz-túzsiz joǵalyp ketti
PEKIN. QazAqparat – Sychýan provıntsııasyndaǵy (Ońtústik-Batys Qytaı) qurylys alańynda sý tasqyny saldarynan tórt adam qaza taýyp, 48 adam iz-túzsiz joǵalyp ketti. Bul týraly sársenbi kúni Sınhýa agenttigi málim etti, dep habarlaıdy QazAqparat.
Oqıǵa 21 tamyzda Sychýan provıntsııasynyń Tszınıan ýezinde bolǵan. Tolassyz jaýǵan jańbyr tas joldyń qurylys alańynda taý tasqynyna ulasqan. Tótenshe jaǵdaı kezinde nysanda 201 adam bolsa, onyń 149-y qutqaryldy.
Qazir izdestirý-qutqarý jumystary jalǵasyp jatyr. Polıtsııa qurylys kompanııasynyń bes qyzmetkerin ustady. Olar eńbek qaýipsizdigi normalaryn buzdy jáne oqıǵa týraly jalǵan aqparat berdi nemese usynbady degen kúdikpen ustalǵan.
