Qytaıda tolassyz jańbyrdan 1,76 mln adam zardap shekti

BEIJІŃ. QazAqparat – Ortalyq jáne Ońtústik Qytaıda tolassyz jaýǵan jańbyr saldarynan 1,76 mln adam zardap shekti, 9 adam qaza taýyp, taǵy 5-eýi iz-túzsiz joǵaldy. «QazAqparat» HAA menshikti tilshisi bul týraly jergilikti BAQ-qa silteme jasap habarlaıdy.

BAQ málimetinshe, bul, Qytaıdyń segiz provıntsııasy men avtonomdy aýdandaryndaǵy (Tszıansı, Hýnan provıntsııasy, Gýansı-Chjýan avtonomdy aýdany jáne t.b.) 8 maýsym kúngi málimetter.

120 myń adam evakýatsııalanyp, 900 ǵımarat qıraǵan, 13 myńnan astamy zaqymdalǵan. 113,5 myń gektar egistik jer zardap shekken.

Tikeleı ekonomıkalyq shyǵyn 28,8 mlrd ıýanǵa baǵalanyp otyr.

Avtory: Rýslan Súleımenov