Qytaıda tıtanozavrdyń jańa túri tabyldy
ASTANA. QazAqparat - Paleontologtar Qytaıdyń Gansý provıntsııasynan 100 mln. jyl buryn ómir súrgen tıtanozavrlardyń jańa túrin taýyp aldy. Yongjinglong datangi dep atalǵan shegirtketektes janýardyń bıologııalyq erekshelikteri PLoS ONE basylymynda jarııalandy.
Tas bolyp ketken janýardyń qaldyqtary 2008 jyly tabylǵan, biraq ǵalymdar onyń qaı túrge jatatyndyǵyn tappaı dal bolǵan.
Onyń tuqymyn Qytaı men Pensılvanııa ǵalymdary birlesken zertteý barysynda anyqtady. Taldaý kórsetkenindeı, atalmysh janýar dınozavrlardyń shegirtketektes tuqymyna jatatyn buryn-sońdy ǵylymda kezdespegen túri bolyp shyqty, dep habarlaıdy Global Science.
Saralaý barysynda bul tıtanozavrlardyń dene bitimi 15-19 metrge deıin jetkendigi anyqtalyp otyr.
