Qytaıda tikushaq apatqa ushyrady

BEIJІŃ. QazAqparat - Senbi kúni tańerteń Qytaıdyń ońtústik-batysyndaǵy Sychýan provıntsııasynda bortynda jolaýshylar bolǵan tikushaq apatqa ushyrady, dep habarlaıdy QazAqparat tilshisi «Penpaı» basylymyna silteme jasap.

Oqıǵa Sychýan provıntsııasynyń ABA-Tıbet-Tsıan avtonomııalyq okrýginiń Heıshýı ýezindegi taýly jerde bolǵan. Jergilikti kýágerlerdiń aıtýynsha, tikushaq jolaýshylarynyń arasynda jaraqat alǵandar bar.

«Penpaı» jazǵandaı, polıtsııa tikushaqpen bolǵan tótenshe jaǵdaıdy rastady. Apattyń sebepteri anyqtalýda.