Qytaıda tereńdigi 50 metr aryqqa túsip ketken sábıdi aman alyp shyqty
ASTANA. QazAqparat - Qytaıda 10-nan astam ekskovator tereńdigi 50 metrden asatyn shuńqyrǵa túsip ketken sábıdi qutqardy, dep jazady life.ru.
Oqıǵa Qytaıdyń Shensı provıntsııasyna qarasty Sıan qalasynda bolǵan. 1,5 jasar sábıdi qutqarýmen 10-nan astam ekskovator aınalysty. Operatsııa 10 saǵattan astam ýaqytqa sozyldy.
Sábı atasymen jáne apasymen birge qydyryp shyǵyp, jer astyna qulap ketken. Bala qulaǵan soń ol jerge topyraq túsken. Sondyqtan aýa balaǵa dıametri 3 sm bolatyn kózdeı ǵana tesikten kelip turǵan.
Balany qutqarý barysynda adamdar 10 saǵat boıy onyń atyn ataýmen boldy. Ondaǵy maqsat sábıdiń uıyqtap ketýine jol bermeý. Osy ýaqytta úlken shuńqyr qazylyp, balany shyǵaryp alýdyń múmkindigi týdy. Qazir ol aýrýhanaǵa jatqyzyldy, alǵan jaraqattary aýyr emes.
