Qytaıda terbelisi 5,5 jer silkinisi tirkeldi

BEIJІŃ. QazAqparat - Qytaıdyń soltústik-batysyndaǵy Gansý provıntsııasynda magnıtýdasy 5,5 jer silkinisi tirkeldi. Bul týraly QazAqparat Qytaı seısmologııalyq ortalyǵyna silteme jasap habarlaıdy.

Gansý provıntsııasyndaǵy jerasty dúmpýi beısenbi kúni jergilikti ýaqyt boıynsha saǵat 07:38-de tirkelgen. Koordınattary – 38.88 s.e., 95.50 sh.b.

Eń qýatty jerasty dúmpýiniń magnıtýdasy 5,5-ke jetken. Oshaǵy 15 shaqyrym tereńde bolǵan. Epıtsentri Gans provıntsııasyna qarasty Dýnhýan qalasynan 150-160 shaqyrym jerde tirkeldi.

Zińlzaladan zardap shekkender men zaqym kelgen ǵımarattar týraly aqparat ázirge jarııalanbady.