Qytaıda taıfýnnyń saldarynan 13 adam opat boldy
ASTANA. Qyrkúıektiń 22-si. QazAqparat - Qytaıdyń ońtústigindegi Gýandýn provıntsııasynda Fanapı taıfýny biraz dúrbeleń týǵyzyp ketti.
Tabıǵattyń tosyn mineziniń saldarynan 13 adam mert boldy, taǵy 30-dan astam adam iz-túzsiz joǵalǵandar sanatynda. Bul týraly «Sınhýa» agenttigi habarlady.
Taıfýn aımaqqa sý tasqyny men sel alyp keldi. Provıntsııada 350 shaqty úıdi sý basyp qalyp otyr. Aldyn ala baǵalaýlar boıynsha, apat saldarynan kelgen ekonomıkalyq shyǵyn 68,5 mıllıon dollardy qurap otyr.
