Qytaıda taýarlardy ushqyshsyz basqarylatyn ushaqtar kómegimen jetkizý qyzmeti iske qosylmaq
BEIJІŃ. QazAqparat - Qytaılyq «Shanghai YTO Express (Logistics) Co» taýarlardy jedel jetkizý kompanııasy «Alibaba» elektrondyq kommertsııa alybymen qosylyp Qytaıda alǵashqy ushqyshsyz basqarylatyn apparattardyń (drondar) kómegimen taýarlardy jetkizý qyzmetin iske qospaq. Bul týraly China Daily habarlaıdy.
Ideıa avtorlarynyń aıtýynsha, taýarlar kópshilikke tanymal taobao.com saıtynan Beıjiń, Shanhaı jáne Gýanchjoýdaǵy tapsyrys berýshilerge sársenbi men juma aralyǵynda pılottyq rejimde jetkiziledi. Salmaǵy 340 gramnan aspaıtyn taýarlar ıeleriniń qolyna bir saǵattyń ishinde tıgizilmeki. Jobany jasaýshylardyń oń nıetterine qaramastan, sarpashylar taýarlardy drondardyń kómegimen jetkizý áýe keńistigin paıdalaný qaýipsizdigi jáne erejeleri máselelerine baılanysty jaqyn bolashaqta kópshiliktiń qoldaýyna ıe bolatynyna kúmán keltirip otyr. Bul rette Qytaıdaǵy qazirgi kezde taýarlardy jetkizý ádisi (bir saǵattyń ishinde) joǵary básekelestikke baılanysty álemdegi eń jedeli bolyp tabylatynyn aıta ketý kerek.
