Qytaıda taý-ken óndirisindegi eki oqıǵa saldarynan 28 kenshi qaza tapty, 83-i úıindilerdiń astynda qaldy
BEIJІŃ. 30 naýryz. QazAqparat - Juma, 29 naýryz kúni laı kóshkininiń túsýi saldarynan QHR Tıbet avtonomdyq aýdanynyń taý-ken óndirý aımaǵynda 83 jumysshy úıindiler astynda qaldy, dep habarlady «Sınhýa» agenttigi.
Tıbettiń ákimshilik ortalyǵy - Lhas qalasyna jaqyn jerde eki mıllıon tekshe metrge jýyq laı kóshkini Qytaıdyń ulttyq altyn óndirý korporatsııasynyń enshiles kompanııalarynyń biriniń ondaǵan jumysshysyn basyp qaldy.
Oqıǵa ornyna tehnıka, arnaıy quraldar men qutqarýshylar jasaǵy jiberildi. Іzdestirý-qutqarý jumystary júrgizilýde. QHR bıligi jer astynda qalǵan jumysshylardy qutqarý úshin barlyq kúshti salýǵa shaqyrdy.
Sonymen qatar, juma kúni keshke Qytaıdyń soltústik-shyǵysyndaǵy Tszılın provıntsııasynda kómir óndirý shahtasyndaǵy jarylys saldarynan 28 kenshi qaza boldy dep habarlady jergilikti BAQ. Oqıǵa ornyna jetken qutqarýshylar úıindiler astynan 13 jumysshyny qutqara aldy. Іzdestirý-qutqarý jumystary júrgizilýde.
