Qytaıda tasqa aınalǵan dınozavr jumyrtqasynan embrıon tabyldy

NUR-SULTAN. QazAqparat – Ǵalymdar shamamen 66 mıllıon jyl boıy jaqsy saqtalǵan dınozavr embrıonyn tapty. Ol balapan sııaqty jumyrtqany jaryp shyǵý aldynda bolǵan, dep habarlaıdy QazAqparat BBC-ge silteme jasap.

Tasqa aınalǵan dınozavr jumyrtqasy Qytaıdyń ońtústigindegi Ganchjoý qalasynan tabylǵan. Ol – tissiz, terapod otrıadynyń tarmaǵyna jatatyn kesirtke qaýyrsynyn jamylǵan ovıraptorozavr. Ǵalymdar ony «Inlıan balaqaı» dep atady.

«Bul tarıhta buryn-sońdy tabylǵan úzdik embrıondardyń biri», - deıdi Bırmıngem ýnıversıtetiniń zertteýshisi jáne iScience jýrnalyndaǵy maqala avtory Fıon Vaısým Ma. Embrıon kezdeısoq tabyldy. Zertteýshi top ondaǵan jyldar boıy qoımada shań basyp jatqan dınozavr jumyrtqalaryn zertteý kezinde olardyń ishinde embrıon bolýy múmkin dep oılaǵan. Osy oımen jumyrtqanyń tasqa aınalǵan qabyǵyn alǵyp tastaǵan zertteýshiler Inlıandy kóredi.

Ǵalymdardyń aıtýynsha, embrıonnyń jasy – 72-66 mıllıon jyl. Jumyrtqany kóshkin basyp qalyp, ol jyrtqyshtardyń jemine aınalmaǵan bolýy múmkin.