Qytaıda taraǵan pnevmonııa Taılandqa jetti

BANGKOK. QazAqparat – Sársenbi kúni Taılandtyń Densaýlyq saqtaý mınıstrligi jergilikti turǵyndar arasynda koronavırýstyń jańa shtammyn juqtyrǵan alǵashqy jaǵdaıdy rastady. Vırýs Nahon-Patom (Nakhon Pathom) aýrýhanasynda em qabyldap jatqan 73 jastaǵy Taıland azamatshasynan anyqtalǵan. Bul týraly QazAqparat Bangkok Post-qa silteme jasap habarlaıdy.

Vırýs juqtyrǵan áıel ótken jyldyń sońynda Qytaıdyń Ýhan qalasynan oralǵan soń aýyrǵan. Ol Nahon Pathomda emdelip júrgen. Densaýlyq saqtaý organynyń ókilderi onyń koronavırýstyń jańa shtammyn juqtyrǵanyn rastady.

Taılandata jańa koronavırýs ınfektsııasyn juqtyrǵan tórt jaǵdaı tirkelgen. Pnevmonııa úsh qytaılyq týrıst pen bir Taıland azamatshasynan anyqtalǵan.

Vırýs juqtyrǵan qytaılyq týrıstiń bireýi jazylyp, úıine qaıtarylǵanyn aýrýdy baqylaý jónindegi departament sársenbi kúni habarlady.

Departament dırektory Sofon ıAmsıthavornnyń (Sophon Iamsirithavorn) aıtýynsha, 13 qańtar kúni 74 jastaǵy qytaılyq Taılandtqa Ýhannan kelgen.

Áıel Nonthabýrı provıntsııasynyń Bamrasnaradýrdaǵy Infektsııalyq aýrýlar ınstıtýtynda emdelip, Qytaıǵa, úıine oralǵan.

Densaýlyq saqtaý mınıstrligi vırýs taralýynyń aldyn alý úshin qajetti sharalardy jasaýda.

Buǵan deıin Qytaıda koronavırýstyń jańa túrin juqtyrǵandar sany 440 adamǵa jetkeni jáne osy aýrýdan toǵyz adamnyń kóz jumǵany habarlanǵan bolatyn.