Qytaıda taǵy eki adamnyń «Zıka» bezgegine shaldyqqany anyqtaldy
ASTANA. QazAqparat - Qytaıda Zıka bezgegine taǵy eki adam dýshar bolǵany tirkeldi, atalǵan dertti juqtyrǵandardyń jalpy sany segiz adamǵa jetti, dep habarlady Sınhýa agenttigi Gýandýn provıntsııasynyń josparly bala týýy jáne densaýlyq saqtaý isteri boıynsha memlekettik komıtetke silteme jasaı otyryp.
Osyǵan deıin alty adam Zıka aýrýyn juqtyrdy dep habarlanǵan. Senbi kúni alty jasar bala men segiz jasar ápkesiniń dertti juqtyrǵany rastaldy. Olar Venesýeladan Qytaıǵa oralǵan. Aldymen balanyń dene qyzýy kóterilip, keıin ápkesinde bórtpe paıda boldy.
RIA Novostı habarlaǵandaı, saraptamadan keıin ekeýi de Zıka aýrýyn juqtyrǵany anyqtaldy. Qazir aýrýhanada emdelip jatyr.
Osyǵan deıin Zıka aýrýynyń aldyn alý maqsatynda Qytaı bıligi masalardy jappaı joıý sharasyn júrgizýdi josparlap otyrǵanyn habarlady. Sáýir jáne mamyr aıynda sharalar qabyldanýy múmkin.
