Qytaıda taǵy bir balaǵa shabýyl jasaldy
ASTANA. Mamyrdyń 4-i. QazAqparat - Qytaılyq polıtsııa mergenderi dúısenbi kúni Beıjiń ortalyǵynda kishkentaı qyzbalany kepildikke alǵan erkekti atyp óltirdi.
Balany bosatpaq bolǵan áreketteri sátsiz aıaqtalǵan soń, tártip saqshylary álgi qylmyskerdi atyp óltirýge májbúr bolǵan, dep habarlaıdy «Maıak» radıosy.
Qytaılyq buqaralyq aqparat quraldarynyń aqparattary boıynsha, bul oqıǵaǵa Shensı provıntsııasynan kelgen 24 jastaǵy azamat sebep bolǵan. Ol, Beıjińge, Internet arqyly tanysqan áıelmen kezdesýge kelgenin, biraq ol kelinshektiń onymen kezdesýden bas tartqanyn málim etken. Kýágerlerdiń aıtýynsha, qylmysker kóshede ákesimen kele jatqan 5 jasar qyz balany kepildikke alǵan. Oqıǵa ornyna polıtseıler jedel jetken. Álgi erkek olardan ózi kezdeskisi kelgen áıelge aparýdy talap etken. Olaı bolmaǵan jaǵdaıda, balaǵa zaqym keltiremin dep qorqytqan. Onyń balany óz erkimen jibermeıtinine kózderi jetken mergender ony atyp óltirgen.
Bul - Qytaıda sońǵy alty aptada balalarǵa jasalǵan besinshi shabýyl.
