Qytaıda tabylǵan Jer sharyndaǵy eń qart aǵash 374 mln jasta
ASTANA. QazAqparat - Ǵalymdar Jer betindegi alǵashqy aǵashtar qartaıýyna baılanysty ózdiginen joıylyp ketkenin anyqtady. Bul jaıly The Los Angeles Times jazady.
Ǵalymdar Qytaıdyń Sıntszıan provıntsııasynan tabylǵan Jerdegi alǵashqy aǵashtardyń tasqa aınalǵan qaldyqtaryn zertteı kele osyndaı qorytyndy jasady. Tabylǵan qazba derekteriniń jasy 374 mln jyl tóńireginde. Ǵylymı jýrnaldarda jarııalanǵan málimetterge qaraǵanda, olar ejelgi orman tabıǵatynyń qalyptasýyna, Jerdegi klımattyń evolıýtsııasynyń damýyna negiz bolǵan.
Tabylǵan aǵash qaldyqtaryn qyryqqulaqty ósimdikter (paporotnıkter) dáýirine tıisti. Zertteýshiler ol aǵashtardyń bıiktigi 10-12 metr, dińiniń jýandyǵy 1 metr shamasynda bolǵanyn anyqtady, sondaı-aq tóbesinen butaq shyǵarǵanyna qarap, olardy syrttaı palma aǵashtaryna uqsatýǵa bolatynyn aıtady.
Ǵalymdardyń málimdeýinshe, Jer betinde bizdiń dáýirimizge deıingi 393-372 mln jyldar aralyǵynda ósken aǵashtardyń negizgi jaýy qońyzdar men kópaıaqtylar bolǵan, óıtkeni ósimdikpen qorektenetin janýarlar ol dáýirde áli paıda bolmaǵan edi. Ol aǵashtar óse kele dińi bólikterge bólinip, ózinnen-ózi joıyla bergen.
