Qytaıda tabylǵan balyqtyń sırek kezdesetin túri eldiń ekojúıesine qaýip tóndirip tur

NUR-SULTAN. QazAqparat – Qytaı ólkeleriniń sý qoımalarynan balyqtyń ekzotıkalyq túri – tas qabyqty shortan aýlandy. Osyǵan oraı qytaı ekologtary dabyl qaǵyp, balyqtyń jat jerlik túri jergilikti ekojúıe úshin naǵyz apat bolýy múmkin ekendigin eskertýde, dep habarlaıdy QazAqparat tilshisi The paper basylymyna silteme jasap.

Tas qabyqty shortan balyǵy Soltústik Amerıkada keńinen taralǵan. Al Bıyl Qytaıdyń Henan, Hýnan, Shandýn, ıÝnnan ólkelerindegi, Gýansı-Chjýan avtonomdy aýdanyndaǵy, sonymen qatar qytaı astanasy – Beıjińdegi sý qoımalarynan tabylǵan.

Bir tas qabyqty shortandy aýlaý úshin Henan (Ortalyq Qytaı) ólkesine qarasty Jýchjoý qalasy saıabaqtarynyń birindegi sý qoımasynan 200 myń tekshe metr sýdy aǵyzýǵa týra kelgen.

Sońǵy birneshe jyldyń ishinde tas qabyqty shortan balyǵy Gýandýn, Fýtszıan, Sychýan men Tszıansý ólkelerindegi jabaıy tabıǵatta kózge túsken.

Basylymnyń jazýynsha, tas qabyqty shortan Qytaı úshin balyqtyń ekzotıkalyq túri sanalady. Onyń tabıǵı sý qoımalarynda jappaı taralýy jergilikti sý ekojúıesine aıtarlyqtaı qaýip tóndirýi múmkin. Qytaıda tas qabyqty shortannyń keńinen taralýy balyqtyń bul túrin el naryǵynda satý úshin ósirý bolýy yqtımal. Balyqtyń bul túri óte jyldam kóbeıedi.

Qytaı buqaralyq aqparat quraldarynyń aqparatyna qaraǵanda, sońǵy jyldary Qytaıda balyqtyń 600-den túri anyqtalsa, onyń 71-i eldiń tabıǵı ekojúıesine qater tóndiretindigi anyqtalǵan.

Foto: blog.tetra.net