Qytaıda sybaılas jemqorlyqqa qarsy agenttik qurylady
BEIJІŃ. QazAqparat - QHR-da sybaılas jemqorlyqqa qarsy jańa qurylym qurylady. Bul týraly búgin Qytaıdyń ortalyq buqaralyq aqparat quraldary eldiń bas prokýrorynyń orynbasary Tsıý Sıýetsıannyń sózine silteme jasaı otyryp habarlady.
«Qytaı sybaılas jemqorlyqqa qarsy agenttik qurady. Ol tıimdi uıymdastyrylyp, osy qubylysqa qarsy kúresýde Joǵarǵy halyq prokýratýrasyna aıtarlyqtaı kómek kórsetedi», - dedi ol. Onyń sózine qaraǵanda, 1995 jyly JHP quramynda qurylǵan bıýronyń osy kúni sybaılas jemqorlyq qylmysynyń ósip bara jatqan faktilerine tıimdi áreket etý qabileti az. Eske sala keteıik, QKP OK-niń 18-sezinen keıin 2012 jyldyń qarashasynda bastalǵan sybaılas jemqorlyqqa qarsy kampanııanyń barysynda provıntsııa, mınıstr jáne joǵary deńgeıli 50-den astam joǵary shendi sheneýnikke qatysty para alý jáne basqa da partııa tártibin buzýǵa qatysty tergeýler men sot protsesteri júrgizildi.
