Qytaıda sý tasqynynan qaza tapqandar sany 16-ǵa jetti

BEIJІŃ. QazAqparat – Qytaıdyń Tsınhaı provıntsııasynda bolǵan sý tasqynynan qaza tapqandar sany 16 adamǵa jetti, taǵy 36 adam iz-túzsiz joǵalyp ketti, dep habarlaıdy QazAqparat tilshisi Qytaıdyń ortalyq telearnasyna silteme jasap.

Sońǵy málimetke sáıkes, 18 tamyz kúni jergilikti ýaqyt boıynsha saǵat 12:00-de izdestirý-qutqarý jumystary nátıjesinde sý tasqynynan 16 adamnyń qaza bolǵany, 36 adammen baılanys úzilgeni anyqtaldy.

Apat aımaǵynda 6 myńnan astam jergilikti turǵyn qaldy.

Qytaı aqparat quraldarynyń habarlaýynsha, 17 tamyz kúni keshke Sının qalasynyń Datýn ýezinde (Qytaıdyń soltústik-batysyndaǵy Tsınhaı provıntsııasy) nóser jaýyn ótip, odan ornaǵan sý tasqyny men kóshkin ózen arnalarynyń ózgerýine ákeldi.

Qutqarý jumystaryna 1600-den astam adam men 160 tehnıka jumyldyryldy.

Buǵan deıin Tsınhaı provıntsııasynda (Soltústik-Batys Qytaı) sý tasqyny saldarynan keminde 27 adam iz-túzsiz joǵalyp, tórt adamnyń qaza tapqany týraly habarlanǵan bolatyn.

Foto: dymontiger.livejournal.com