Qytaıda sý tasqynyna baılanysty is-sharalarǵa 15 mln dollardan astam qarjy bólindi

BEIJІŃ. QazAqparat – QHR qarjy jáne tótenshe jaǵdaılardy basqarý mınıstrlikteri birlesip, Beıjiń-Tıantszın-Hebeı aımaǵyndaǵy sý tasqynyna qarsy is-sharalarǵa jáne tabıǵı apat saldaryn joıýǵa 110 mln ıýan (shamamen 15,43 mln AQSh dollary) bóldi, dep habarlaıdy QazAqparat «Sınhýa» agenttigine silteme jasap.

Qarajat izdeý-qutqarý jumystaryn júrgizýge jáne sý tasqynynan zardap shekken adamdarǵa kómek kórsetýge baǵyttalady.

Qytaıdyń soltústigindegi Hebeıdi qosa alǵanda 12 ákimshilik aımaqta aýyl jáne sý sharýashylyǵyna kelgen zalalǵa baılanysty 842 mln ıýan bólingen.

Beıjińde 11 adamnyń ómirin qıǵan taıfýnnan týyndaǵan nóser jańbyrdan keıin aýqymdy izdeý-qutqarý jáne zardap shekkenderge kómek kórsetý jumystary bastaldy.

Jergilikti bıliktiń aqparatyna sáıkes, 1 tamyzdaǵy jaǵdaı boıynsha Hebeı provıntsııasynda uzaqqa sozylǵan nóserden 9 adam qaza tapty, taǵy 6 adam habarsyz joǵalyp ketti. Jalpy alǵanda 540 703 adam zardap shekti, 847 400 adam evakýatsııalandy.

Soltústiktegi Tıantszın qalasynda ıÝndınhe ózeniniń sýy arnaýynan shyǵyp, tasqynǵa ushyraǵan aýdandardan 35 myńnan astam adam evakýatsııalandy.