Qytaıda sý tasqyny saldarynan 40-tan astam adam qaza tapty
ASTANA. QazAqparat - QHR-dyń ońtústik-shyǵysynda sý tasqyny saldarynan 40-tan astam adam qaza tapty, dep habarlaıdy RIA Novostı.
Qytaıdyń ońtústik shyǵysyndaǵy Hýnan provıntsııasy Nınsıan ýezinde 815 myńnan astam adam (turǵyndardyń 56 paıyzy) sý tasqyny saldarynan zardap shekti, olardyń ishinde qaza taýyp, joǵalyp ketkender sany 44, dep jazdy "Jenmın jıbao" basylymy juma kúngi sanynda.
Ýezde bolǵan bıylǵy tabıǵı apat sońǵy 60 jyldaǵy eń aýyr apat retinde tirkeldi. Eń nóserli jaýyndar 30 maýsym men 1 shilde aralyǵynda boldy. Apat saldarynan 14 myń turǵyn úı qırap, 70 kóshedegi joldar men bógetter buzyldy, 22 myń gektar aýyl sharýashylyǵy jerlerin sý basyp, 13 eldi meken elektrsiz, al jeteýi - baılanyssyz qaldy. Aldyn ala esep boıynsha tikeleı jáne janama ekonomıkalyq shyǵyn 9 mıllıard ıýandy (1,3 mıllıard dollar) quraıdy.
