Qytaıda sý tartylǵan kezde ejelgi Býdda músini shyǵa keldi

ASTANA. QazAqparat - Tabylǵan olja mamandar men ejelgi eskertkishterdiń baǵalaýshylaryn tań qaldyrdy: Qytaıdyń shyǵysynda sýdyń tartylýynan sý qoımasynda ejelgi Býdda músini kórindi.

Ony alǵash bolyp jergilikti turǵyndar baıqaǵan, qazir músindi arheologtar zertteýde. Mamandardyń paıymdaýynsha, bul Mın áýletiniń (1368-1644 jyldary) dáýirinde jasalǵan, sol sebepti onyń jasy 350 jyldan asady, dep habarlaıdy RIA Novostı.

Qytaılyq BAQ-tyń málimdeýinshe, sýdyń deńgeıi shlıýz qaqpasyn jóndeýge baılanysty 10 metrge deıin tómendegen, nátıjesinde sý betine Býddanyń músini shyqqan.

Tańqalarlyq vıdeokadrlar YouTube-qa jarııalandy.

Ǵalymdar sý qoımasynyń túbinde, Býdda músininiń aıaq jaǵynda ejelgi ǵıbadathana bolýy múmkin degen boljam jasaýda. Olar sý asty qurylǵysynyń kómegimen bul jerdi zertteýdi kózdep otyr.