Qytaıda sý dobynan Álem chempıonaty ótedi
ALMATY. 14 shilde. QazAqparat /Erlik Erjanuly/ - Qytaıdyń Shanhaı qalasynda 16-30 shilde kúnderi sý dobynan Álem chempıonaty ótedi. Qazaqstannyń erler men áıelder quramasy bul dúbirli dodaǵa daıyndyqtaǵy sońǵy oqý-jattyǵý jıynyn Almatyda ótkizgen bolatyn.
Sergeı Drozdov jattyqtyratyn erler quramasy Álem chempıonatynda júldeli orynǵa talasatyn úmitker bop sanalmaıdy. Olar bul synda Vengrııa, Ispanııa jáne Chernogorııa sportshylarymen bir topta óner kórsetetin bolady. Al áıelder quramasy bolsa AQSh, Vengrııa jáne Gollandııadan kelgen qurbylarymen kúsh synaspaq. Jalpy, 2009 jyly Rım qalasynda ótken sońǵy Álem chempıonatynda 16-shy oryn alǵan bolatyn.
Qazaqstandyq sý doby sheberleri úshin qazirgi tańda Álem chempıonatynan kóri 2012 jyly qańtar aıynda Japonııada ótetin Azııa chempıonatynyń mańyzy erekshe bolyp otyr. Olımpıada oıyndarynyń irikteý jarysy retinde onda Londonda ótetin dúbirli dodanyń joldamasy sarapqa salynbaq.
