Qytaıda sý basqan shahtadaǵy kenshiler tiri
ASTANA. 22 qarasha. QazAqparat - Qytaıdyń ońtústik-batysyndaǵy Sychýan provıntsııasynda 29 kenshini qutqarý jumystary jalǵasýda. Olar kómir shahtasyn sý basýy sebepti buǵattalyp qalǵan. Jergilikti buqaralyq aqparat quraldarynyń jazýynsha, jer astynda buǵattalyp otyrǵan barlyq kenshiler de tiri kórinedi, dep habarlaıdy ITAR -TASS.
Apatty jaǵdaı jeksenbi kúni tústen keıin oryn alǵan bolatyn. Veııýan ýezindegi bir shahtada jarylys bolyp, buryn habarlanǵanyndaı, jıyrma segiz kenshi jer astynda qalyp qoıdy. Qazir olardyń sany 29 adam ekeni anyqtalyp otyr. Qutqarýshylar shahtadaǵy sýdy syrtqa aıdaý jumystarymen aınalysýda. Jer astyndaǵy kenshilerdi aman-esen shyǵarý úshin basqa da tásilder qarastyrylýda.
