Qytaıda sý basqan shahtada alty kenshi qaza tapty
ASTANA. QazAqparat - Qytaıdyń Shansı provıntsııasynda sý basqan kómir shahtasynda qalyp qoıǵan 11 kenshiniń altaýyn qutqarý múmkin bolmaǵan. Bul týraly Rosbalt habarlaıdy.
CNTV deregi boıynsha, qutqarý operatsııasy sársenbi kúni aıaqtalyp, tek bes adam tiri qalǵan. Qazir olarǵa medıtsınalyq kómek kórsetilýde.
Oqıǵanyń sebebin anyqtaý maqsatynda tergeý bastaldy.
Qaıǵyly jaǵdaı Taııýan qalalyq okrýginiń Tsınsıýı ýezindegi kómir shahtalarynyń birinde tún ortasynda bolǵan. Kenshilerdiń tórteýimen baılanys bolǵan, biraq olar jerdiń betine shyǵa almaǵan.
