Qytaıda sý astyndaǵy avtomobıl týnneli ashyldy

DALıANЬ. QazAqparat – Qytaıdyń Lıaonın provıntsııasyndaǵy Dalıan qalasynda (soltústik-shyǵys Qytaı) kólik qozǵalysyna arnalǵan sý astyndaǵy avtomobıl týnneli ashyldy, dep habarlaıdy QazAqparat Sınhýa agenttigine silteme jasap.

«Dalıanvan shyǵanaǵynyń túbinen ótetin týnnel – soltústik Qytaıda salynǵan alǵashqy sý asty týnneli», - deıdi týnnel qurylysy men qoldanylýyna jaýapty kompanııa bas ınjeneriniń orynbasary Sýn Chjý.

Týnnel qurylysy shamamen tórt jylǵa sozylǵan. Sýn Chjý atap ótkendeı, uzyndyǵy 5,1 shaqyrym bolatyn týnnel alty jolaqty, eki jaqty kólik qozǵalysyna arnalǵan. Ruqsat berilgen qozǵalys jyldamdyǵy – 60 km/saǵ.

Týnnelge qosylatyn jol da 1 mamyrda paıdalanýǵa berildi. Osy jol men sý asty týnneliniń arqasynda Dalıanvan shyǵanaǵynyń soltústik jáne ońtústik jaǵalaýlary jyldam kólik dálizimen baılanysyp, keptelister azaıady jáne Dalıan qalasy damı túspek.