Qytaıda sottalǵan A. Turlybaıǵa qatysty apellıatsııalyq sot otyrysy keıinge qaldyryldy

Bul aqparatty Aqjarqynnyń qorǵaýshysy Suńqar Nurmaǵambetov málimdedi.

«Qazaqstan azamatshasy A. Turlybaıdyń qylmystyq isi boıynsha apellıatsııalyq sot otyrysy búgin 17 naýryzda Gýanchjoý qalasynda bolýy kerek edi. Biraq, belgili sebeptermen 2016 jylǵy 7 sáýirge qaldyryldy. Bul týraly barlyq múddeli tulǵalarǵa habarlandy», - dedi advokat.

Esterińizge sala ketelik, 20 jastaǵy qazaqstandyq stýdent Aqjarqyn Turlybaı 2014 jyldyń naýryz aıynda Gýanchjoý qalasynyń áýejaıynda jasyryn túrde esirtki zattaryn tasymaldaǵan degen aıyppen ustalǵan bolatyn.

Aqjarqynnyń aıtýynsha, ol Qytaıǵa brendtik kıimder satyp alyp kelýge barǵan. Al esirtkini oǵan klýbta kezdeısoq tanysqan tanystary jasyryn salyp jibergen. Osylaısha, Aqjarqyn ómirbaqı bas bostandyǵynan aıyryldy. Biraq, onyń qorǵaýshy tarapy qarsy shaǵym túsirgen.