Qytaıda sottalǵan A.Turlybaıdyń qorǵaýshysy ony Qazaqstanǵa ekstradıtsııalaý týraly ótinish jazdy

«Sottalǵan Qazaqstan azamattaryn ózge elden qaıtarý úshin eń birinshi kezekte jaqyndarynyń aryzy bolýy kerek. 14 sáýirde Halqaralyq aktilerdiń talabyna saı men Aqjarqynnyń anasy Seıtimova Zýhranyń atynan QR bas prokýratýrasyna Gýanchjoý sotymen sottalǵan Aqjarqyndy Qazaqstanǵa ekstradıtsııalaý týraly ótinish jazdym», - dedi qorǵaýshy Suńqar Nurmaǵambetov.

Qorǵaýshynyń aıtýynsha, eger apellıatsııalyq aryz qanaǵattandyrylmasa, ıaǵnı Aqjarqyn ómir boıy bas bostandyǵynan aırylsa, ony jaqyndary Qazaqstanǵa aýystyrýǵa nıetti.

Ótinishtiń kóshirmesi QR SІM-ine jiberildi.

Aıta ketý kerek, 2014 jyly naýryzda 20 jasar boıjetken Gýanchjoý áýejaıynda geroınmen ustalǵan bolatyn. Qytaı soty Aqjarqyndy ómir boıy bas bostandyǵyna aıyrý týraly sheshim qabyldady. Keıin qyzdyń otbasy apellıatsııalyq shaǵym túsirdi. Apellıatsııalyq otyrystyń qashan óteri ázirge belgisiz.