Qytaıda sońǵy aptada A/H1N1 tumaýyn juqtyrǵandardyń sany 6 345 adamǵa jetti

dep  habarlaıdy  Qytaı Halyq Respýblıkasynyń  Densaýlyq saqtaý   mınıstrligi. 

Habarlamaǵa  súıensek,      naýqastardyń tek  úsheýi ǵana  shetelden kelgender,  qalǵandary aýrýdy eldiń ishinde   júrip juqtyrǵan.    Mınıstrliktiń  málimeti  boıynsha,  osynaý  qaýipti tumaý  vırýsy taraı bastaǵannan  beri Qytaıdyń  qurlyqtaǵy bóliginde    42 009   naýqas anyqtalǵan,  onyń 30 854-i -   saýyǵyp ketken.  66  jaǵdaıda  aýrýdyń barysy aýyr  júrgen,     dárigerler aýyr syrqattardyń  tek 22-sin ǵana emdep, jaza alǵan, 4 oqıǵa kisi  ólimimen   aıaqtalǵan,  qalǵandary áli      ıntensıvti em-dom qabyldaýda.

Beıjiń  densaýlyq saqtaý  bıýrosynyń  málimetterine súıensek,  Beıjińde qazannyń  28-indegi  jaǵdaı  boıynsha A/H1N1  tumaýy  boıynsha kúrdeli  jaǵdaı  qalyptasyp otyr.    Atap aıtqanda,  qazannyń  28-indegi jaǵdaı  boıynsha   jańadan juqtyrylǵan  jáne zerthanalyq   jolmen   rastalǵan oqıǵalardyń sany 400-den asqan.

Bıýro   dırektory Fan  Laıınniń  aıtýynsha,    Beıjińde  ádette   tumaý maýsymynyń sharyqtaý  shegi      jeltoqsan  men qańtar aılaryna keletin,  biraq  bıyl   ótken jyldardaǵydan  1-2 aıǵa erte kelip  otyr  jáne   indettiń  negizgi shtamdarynyń biri  - A/H1N1   tumaýy.

Aǵymdaǵy  jyly  qazan aıynyń sońyna   qaraı Qytaıda  A/H1N1  tumaýyna  qarsy   26  mıllıon    birlik  vaktsına   jınalyp, saqtaýǵa daıyn bolatynyn  aıta ketý kerek,  jáne  sol  kezden   bastap   tapsyrys    kólemi     100 mıllıon birlikti  quraıtyn  vaktsınanyń ekinshi  partııasynyń  óndirisi  bastalmaq.