Qytaıda SQO taýarlarynyń saýda alańy paıda bolady
PETROPAVL. QazAqparat - Qytaı kásipkerleri Soltústik Qazaqstan oblysynyń aýylsharýashalyq taýarlarynyń óndirýsherimen kezdesti, dep habarlaıdy QazAqparat tilshisi.
Kásipkerlerdiń Óńirlik palatasynyń baspasóz qyzmeti habarlaǵandaı, Qytaı bıznesmenderi jergilikti ónimge qyzyǵýshylyq tanytyp otyr. Delegatsııany «Shansı» aýylsharýashylyq ekonomıkalyq birlestiginiń basshysy Fan Shıdjına basqardy.
Qytaı bıznesmenderi aýylsharýashylyq alqaptary men mal bordaqylaý alańdaryna baryp, fermerlermen sóılesken soń soltústikqazaqstandyq ónim barlyq sapa talaptaryna jaýap beretinin jáne ekologııalyq taza ekenin aıtyp ótti.
«Biz sizderde iri ónerkásip oryndary joq ekenin baıqadyq, ıaǵnı bul jerdiń klımaty qolaıdy. Sharýalarmen tildestik. Olardyń aıtýynsha, ónimniń qandaı da bir sortyn ósirgende eshqandaı hımııalyq qospalar qosylmaıdy. Bizdiń delegatsııada sizderdiń ónimderińizdi óz naryǵynda paıdalanǵysy keletin saýda úıleriniń ókilderi bar», - dedi Fan Shıdjın.
Baspasóz qyzmeti málim etkendeı, Shansı provıntsııasynda qazaqstandyq taýarlar qoıylatyn saýda alańyn ashýǵa qatysty másele qytaılyq tarappen birlesip sheshilip jatyr.
Soltústik Qazaqstan da seriktestikke qyzyǵýshylyq tanytýda. QHR-da kez kelgen ekologııalyq taza ónimniń baǵasy asa joǵary.
