Qytaıda Sinovac kompanııasynyń vaktsınasyn balalarǵa qoldanylýyn maquldady

BEIJІŃ. QazAqparat – Qytaı Sinovac fırmasynyń COVID-19 vırýsyna qarsy shyǵarǵan CoronaVac vaktsınasyn 3-17 jas aralyǵyndaǵy balalarǵa qoldanýǵa ruqsat berdi. Bul týraly Sinovac fırmasynyń tóraǵasy In Veıdýn málim etti, dep habarlaıdy QazAqparat.

Global Timesbasylymy Sinovac basshysy In Veıdýnniń málimdemesine silteme jasap jazýynsha, CoronaVac vaktsınasyn 3-17 jas aralyǵyndaǵy balalarǵa shuǵyl qoldanýy maquldanǵan.

«Biraq vaktsına qandaı jaǵdaıda salynady jáne qaı jastan bastap qoldanylatyny áli sheshilmegen», - dedi kompanııa basshysy.

Sinovac atalmysh jas aralyǵyndaǵy k lınıkalyq synaqtardyń І jáne ІІ kezeńin aıaqtady, oǵan birneshe júzdegen erikti qatysty. Synaq qorytyndysy vaktsınanyń qaýipsiz ári tıimdi ekenin kórsetti.

Maýsym aıynyń basynda Dúnıejúzilik densaýlyq saqtaý uıymy Sinovac kompanııasynyń koronavırýsqa qarsy shyǵarǵan vaktsınasynyń shuǵyl jaǵdaıda qoldanylýyn maquldady.

Avtory Rýslan Súleımenov