Qytaıda sıandyq stýdentter Qazaqstannyń konstıtýtsııalyq reformasyn talqylady
«Dóńgelek ústel jumysyna Chanan ýnıversıteti, Sıan kólik ýnıversıteti, Shensı provıntsııasynyń pedagogıkalyq ýnıversıteti, Soltústik-Batys polıtehnıkalyq ýnıversıteti, Sıan shet tilder ýnıversıteti, Boaı halyqaralyq mektebinde bilim alyp júrgen qazaqstandyq stýdentter qatysty. Biz QR Prezıdentiniń «Qazaqstannyń Úshinshi jańǵyrýy: jahandyq básekege qabilettilik» Joldaýyn jáne «Qazaqstan Respýblıkasynyń Konstıtýtsııasyna tolyqtyrýlar men ózgerister engizý týraly» QR Zańyn asqan qyzyǵýshylyqpen talqyladyq», - dep habarlady Sıan kólik ýnıversıtetinde «Halyqaralyq quqyq» mamandyǵynyń 1-kýrs magıstranty Raısıam Mýrdınova.
Onyń aıtýynsha, qazaqstandyq jastar Joldaýda el damýynyń basty máseleleri ǵana emes, olardy sheshýdiń naqty usynystary da kórsetilgenine nazar aýdarǵan.
Mýrdınova sheteldegi qazaqstandyq stýdentterdiń elde bolyp jatqan jańalyqtar men ózgeristerdi baqylap júrgenin, pikir almasý úshin dóńgelek ústelder men konferentsııalar uıymdastyratynyn atap ótti.
