Qytaıda Sı Tszınpın jaıynda aǵylshynsha álipbı shyǵardy
ASTANA. QazAqparat - Qytaılyq «Jenmın jıbao» gazeti QHR tóraǵasy Sı Tszınpınniń AQSh-qa saparyna arnap aǵylshynsha álipbı shyǵardy.
A árpi 2013 jylǵy maýsymda amerıkalyq Annenbergte ótken Obama men Sı Tszınpınniń kezdesýine arnaldy. V árpi eki kóshbasshynyń týǵan kúnderi jaıly aıtady jáne qytaı kóshbasshysy amerıkalyq basshydan 8 jas úlken ekeni atap ótiledi. І árpi 1985 jyly Sı Tszınpın júgeri ósirýdi oqyp-úırený úshin barǵan amerıkalyq Aıova shtatyna arnalǵan.
Komıks túrinde rásimdelgen kórkem basylym betterinde sybaılas jemqorlyqpen kúres, qytaı ekonomıkasy, QHR tóraǵasynyń jastarǵa qamqorlyǵy jaıynda jazylǵan. Onyń jeke basynyń qasıetterine de basa kóńil bólingen.
QHR tóraǵasy AQSh-qa resmı saparmen 22 qyrkúıekte barady. Kezdesý barysynda amerıka prezıdentimen olar ótkir máselelerdi, atap aıtqanda, Ońtústik-Qytaı teńizindegi daýly aralǵa baılanysty jaǵdaıdy, klımattyń ózgerýimen kúres, ekonomıkalyq qıyndyqtar men adam quqyqtarynyń problemalaryn talqylaıdy.
Sı Tszınpın Qytaıdy 2013 jylǵy naýryzdan bastap basqarady. Ol eldiń Kommýnıstik partııasy OK bas hatshysy qyzmetimen qosa QHR Tóraǵasy mindetin atqarady.
