Qytaıda ShYU halyqaralyq saýda-ınvestıtsııalyq jármeńkesi ótedi

BEIJІŃ. QazAqparat – Qazan aıynyń 16-18 kúnderi Qytaıdyń shyǵysyndaǵy Tsındao qalasynda Shanhaı Yntymaqtastyq uıymyna (ShYU) múshe-memleketterdiń halyqaralyq saýda-ınvestıtsııalyq jármeńkesi ótedi, dep habarlaıdy QazAqparat tilshisi kórmeniń uıymdastyrýshy komıtetine silteme jasap.

Shara aıasynda tuńǵysh ret ShYU-ǵa múshe-memleketter men Qytaıdyń Tsındao yntymaqtastyq uıymy esigin aıqara ashady. Ol uıym ónimderdi tanystyryp, saýda-ınvestıtsııalyq kelissózder men roýd-shoýlardy ótkizetin kópfýnktsııaly alańǵa aınalady.

Halyqaralyq saýda-ınvestıtsııalyq jármeńkeni ótkizý barysynda qarjy, aýyl sharýashylyǵy, mádenıet pen týrızm, jeńil ónerkásip pen halyq qolóneriniń taýarlary men qyzmetteri tanystyrylady.

Kórmege qytaılyq jáne sheteldik, sonyń ishinde qazaqstandyq 600-ge tarta kompanııa qatysady.

Eske sala ketsek ShYU - 2001 jyly Qazaqstan, Qytaı, Qyrǵyzstan, Reseı, Tájikstan jáne Ózbekstannyń qatysýymen qurylǵan, turaqty jumys isteıtin halyqaralyq uıym. Onyń qurylýyna «Shanhaı bestigi» mehanızmi túrtki bolǵan edi.

2017 jyly ShYU-ǵa múshe memleket mártebesi Úndistan men Pákistanǵa berildi.

ShYU sheńberinde 2006 jyldan beri uıymǵa múshe memleketterdiń Іskerlik keńesi jumys istep keledi.

Sýret Sınhýa agenttiginen alyndy