Qytaıda shyńyraý ústindegi shyny kópir kúrt shytynap, týrısterdi úreılendirdi
ASTANA. QazAqparat - Aǵymdaǵy jyldyń 20 qyrkúıeginde Henan provıntsııasyndaǵy ıÝntaı saıabaǵynda ashylǵan uzyndyǵy 68 metr shyny soqpaq jol onda kelýshilerdiń aıaǵy astynda shytynap ketti, dep habarlaıdy sheteldik BAQ-tar.
Bul oqıǵa tap sol kezde shynydan jasalǵan kópirde júrgen týrıster arasynda dúrbeleń týǵyzdy.
Bıiktigi bir shaqyrymnan asatyn shyńyraý ústinde ornatylǵan galereıanyń shyny tósemi týrısterdiń biri abaısyzda qulatyp alǵan bolat termostyń soqqysyna shydaı almady. Kópirde jaryqtar paıda bolyp, sol shaqta oqıǵa ornynda bolǵandardy úreılendirdi.
Qazirgi kezde taǵa tárizdes kópir aqaýlardy joıý úshin jabyldy.
Injenerlerdiń esepteýinshe, áınekten qurastyrylǵan kópirdiń bir sharshy metri 800 kelige deıingi salmaqqa shydas berýi tıis bolǵan.
