Qytaıda shyńyraý shatqal arqyly álemdegi eń uzyn kópir ashyldy
ASTANA. 3 sáýir. QazAqparat - Ortalyq Qytaıda salynǵan álemdegi eń uzyn, tereń shatqal arqyly ótetin kópirde qozǵalys bastaldy, dep habarlady ITAR-TASS.
Jergilikti baspasózdiń habarlaýynsha, «Aıchjaı» aspaly kópiriniń uzyndyǵy 1176 metr. Ázirshe buǵan álemde teń keletin kórsetkish joq. Shyńyraýdyń ústinde 355 metr bıiktikte salynǵan ol Dehan shatqalynyń eki jaǵyndaǵy eki tonneldi jalǵastyrdy.
Hýnan provıntsııasynń taýlaryndaǵy kúrdeli qurastyrma kópir qurylysy 2007 jyldan bastap qytaılyq tehnologııamen salyna bastaǵan bolatyn. Sýperkópir ústinde eki jaqqa qos jolaqty qozǵalys joly bar. Eń joǵary jyldamdyq saǵatyna 80 shaqyrymdy quraıdy. Biregeı ınfraqurylymdyq nysan Chansha men Chýntsın qalalaryn jalǵastyratyn kúrejoldyń mańyzdy býynyna aınaldy.
