Qytaıda shynydan jasalǵan eń úlken kópirdiń qurylysy aıaqtalýǵa jaqyn
ASTANA. QazAqparat - Qytaıda eń úlken shyny kópirdiń qurylysy aıaqtalýǵa jaqyn. Ol eldiń ortalyǵyndaǵy taý tizbeginiń eki shyńyn qosyp otyrǵan eń uzyn jáne eń bıik kópirlerdiń biri bolmaq.
Nysan aspaly kópirdiń arnaıy tehnologııasymen salynyp jatyr, búkil qurylymy uzyndyǵy úsh júz metrlik bolat arqandardan turady. Sarapshylar eki júz metr bıiktikke ilingen kópirdiń 800 adamnyń salmaǵyna shydas beretinin atap ótedi.
Jobanyń ınjenerleri kópirdiń tolyq qaýipsiz bolatynyn aıtyp otyr. Árqaısysynyń salmaǵy 22 kelige jýyq bolatyn barlyq shyny panelder standartty shynyǵa qaraǵanda 25 ese kóp salmaqqa tóze alady.
Jumystardy atqaryp otyrǵan korporatsııa qazan aıynda kópirden birinshi kelýshilerdiń serýendeı alatynyna sendirýde.
