Qytaıda shilde aıynda COVID-19 omıkron shtamynyń on túri anyqtaldy

BEIJІŃ. QazAqparat – 6 shilde kúni Qytaıdyń Sıan qalasynda BA.5 omıkron-shtamyn juqtyrýdyń jergilikti birinshi jaǵdaıy rastalǵalǵannan beri, sońǵy eki aptada qurlyqtyq Qytaıda COVID-19 osy shtamynyń 10 túri anyqtalǵan. Bul týraly Huangqiu Shibao basylymy jazady, dep habarlaıdy QazAqparat.

Basylymnyń jazýynsha, shilde aıynda qurlyqtyq Qytaıda elde keńinen taralyp jatqan koronavırýstyń omıkron shtamynyń 10 túri anyqtalǵan.

6 shildede Sıan qalasynda (Shansı provıntsııasy, Soltústik-Batys Qytaı) BA.5 omıkron shtamyn juqtyrýdyń alǵashqy jergilikti jaǵdaıy tirkeldi.

Jergilikti aqparat quraldarynyń habarlaýynsha, koronavırýstyń omıkron shtamynyń basqa túrleri eldiń Shanhaı, Tıantszın, Tsındao, Dalıan, Lanchjoý jáne Gýanchjoý sııaqty qalalarynda tirkelgen.

QHR Ulttyq densaýlyq saqtaý komıssııasynyń málimetinshe, seısenbide qurlyqtyq Qytaıda koronavırýsqa shaldyǵýdyń 700-den astam jaǵdaıy anyqtaldy.