Qytaıda sheneýnikti qymbat saǵat taqqany úshin 14 jylǵa sottady
ASTANA. 5 qyrkúıek. QazAqparat - Jol-kólik oqıǵasy ornynda kúlimdep túrǵan fotosýret arqyly tanymal bolǵan qytaılyq sheneýnik jemqorlyq úshin 14 jylǵa abaqtyǵa jabyldy. Sot ıAn Datsaı para alǵany úshin aıypty dep tanydy. Bul týraly sheteldik BAQ habarlady.
Atap aıtqanda, Shensı provıntsııasynyń Eńbek qýipsizdigi basqarmasynyń burynǵy basshysy 2012 jyldyń tamyzynda 36 adam opat bolǵan jol-kólik oqıǵasy ornynda kúlimdep turǵan jerinde fotosýretke túsip qalǵannan keıin ınternet-paıdalanýshylardyń ashýyn keltirgen edi.
Osydan keıin blogerler osy jáne basqa da fotosýretterde ıAn Datsaıdyń elıtaly markaǵa jatatyn qymbat saǵatyn baıqap qalǵan. Bul óz kezeginde tergeý júrgizýge sebep boldy.
Internet-paıdalanýshylardyń pikirinshe, sheneýnik memlekettik qyzmetkerdiń jalaqysyna osynsha qundy saǵatty alýǵa qaýqarsyz.
Ótken jyly ony Shensı provıntsııasyndaǵy qyzmetinen bosatyp, al bıylǵy aqpanda kommýnıstik partııadan da shyǵarylǵan bolatyn.
