Qytaıda sheneýnikterdi qoǵamdyq kólikke otyrǵyzady
ASTANA. QazAqparat - Metroǵa, velosıpedke nemese jeke kólikke otyra ma - qytaılyq sheneýnikter jumysqa jetýi úshin solardyń birin ózi tańdaýy tıis, dep jazady «Rossııskaıa gazeta».
Aspanasty elinde qabyldanǵan zań jobasy boıynsha memlekettik qyzmetkerler qyzmettik kólikti shuǵyl jaǵdaıda ǵana paıdalana alady. Aı saıyn sheneýnikke kólik shyǵyny úshin aqshalaı ótem beriledi. Onyń kólemi 500-den 1300 ıýanǵa deıin sheneýniktiń rangisine qaraı ózgeredi. Ázirge bul jańalyq ortalyq úkimet qyzmetkerlerine ǵana qatysty.
«Artyq» qyzmettik mashınalar aýktsıon arqyly satylyp, túsken aqsha memleket qazynasyna ketedi.
Qytaıda «qyzmettik kólik» reformasy 1994 jyldan beri sozylyp keldi. Jańa zań jobasyn sarapshylar «betburysty» sát dep ataýda, ol uzaqqa sozylǵan ózgerister tarıhyn tuıyqtaýy tıis.
