Qytaıda sheneýnikterdi «erekshe» avtonómirlerden aıyratyn boldy
ASTANA. Qyrkúıektiń 8-i. QazAqparat - Qytaıda avtokólikterdiń «erekshe» nómirlerimen kúres bastaldy. Budan bylaı eshqandaı úkimettik sheneýnik nemese iri kompanııalarlyń ıeleri qyzmettik nemese jeke avtokólikterin tirkeý kezinde eshqandaı «erekshe nómir» ala almaıtyn boldy, dep habarlaıdy «Maıak» radıosy.
Qytaıdyń buqaralyq aqparat quraldarynyń habarlaýynsha, «erekshe» nómirler berý tájirıbesi qarapaıym halyqtyń qynjylysyn týǵyzady eken. Osyndaı nómirli kólikterge mingen sheneýnikterdiń kinásinen úlken jol apattary da jıi bolatyn kórinedi. Ondaı jaǵdaılarda álgiler qyzmet jaǵdaılaryn arqa tutyp, polıtseılerge qysym kórsetedi, sóıtip partııalyq jáne memlekettik mekemelerdiń bedelin túsiredi, deıdi jańa bastamany kóterýshiler.
